ဝက်နားရွက်သုပ်

ဝက်နားရွက်သုပ် ............

ဝက်နားရွက်ကို အမျိုးမျိုးသုပ်စားကြပါတယ် ....... သခွါးသီးပါးပါးလှီး ၊ ငရုတ်ဆီနဲ့စပ်ထားတဲ့အချဉ်ရည် ၊ ခရမ်းချဉ်သီးနည်းနည်းထည့် ပြီး ငရုတ်သီးအကျက်မှုန့်လေးနဲ့ သံပုရာချဉ်လေးနဲ့လည်း သုပ်စားကြသလို ငရုတ်သီးစိမ်း၊ ငပိမီးကင်ပြီးလည်း အရင်တစ်ခါပေးခဲ့တဲ့ ဝက်အူမကြီးသုပ်နည်းလိုမျိုးလည်း သုပ်စားကြပါတယ် ....... ဒီတစ်ခေါက်တော့ ဝက်အူမကြီးသုပ်နည်းလို သုပ်ထားတာကို အရင်ပေးပါ့မယ် ...... နောက်တစ်ခါကျမှ သခွါးသီး ၊ ငရုတ်သီးအကျက်မှုန့်လေးနဲ့ သုပ်တဲ့နည်းကို ပေးပါမယ် ............. ဝက်နားရွက်ဟာ အဆီအသား သိပ်မပါဘဲ အကြောနုလေးတွေသာဖြစ်တဲ့အတွက် စားရတာ အီမသွားဘဲ အရသာရှိပါတယ် ........

ဝက်နားရွက်ကို မသုပ်ခင်မှာ သေချာ အထပ်ထပ်ဆေးပေးဖို့လိုပါတယ် ..... အမွှေးလေးတွေပါလာရင် သေချာနှုတ်ပေးရမှာပါ ...... သန့်စင်ပြီးသား ဝက်နားရွက်လေးကို ဝယ်တာက ပိုအဆင်ပြေပါတယ် ..... ဆားတွေ ၊ ဆနွင်းမှုန့်တွေနဲ့ ဆေးတဲ့အပြင်ကို ရေနွေးနဲ့ပါ သေချာအထပ်ထပ် ဆေးပေးရမှာပါ .......

ဆေးပြီးသား ဝက်နားရွက်ကို ဂျင်း၊ ငါးငံပြာရည်အကြည်နဲ့ နယ်ပြီး သေချာပြုတ်ပေးပါ ....... ရေနွေးကို ဆူရုံမက မိနစ် ၄၀ လောက် ပြုတ်ပေးရမှာပါ ....... ကျက်ပြီဆိုတဲ့အခါမှ ဆယ်ပြီး သုပ်ဖို့ အတုံးသေးလေးတွေ ညှပ်ပေးပါ ....... ငရုတ်သီးစိမ်းနဲ့ မျှင်ငပိလေးကို အိုးကင်းလေးထဲထည့်ပြီး လှော်ပေးပါ ....... ပြီးရင်တော့ လှော်ထားတဲ့ ငရုတ်သီး ၊ ငပိကို ကြက်သွန်ဖြူလေးထည့်ပြီး ထောင်းပေးပါ ...... ကြက်သွန်နီ ပါးပါးလှီးထားပါ ....... နံနံပင်ပါရေဆေးပြီး လှီးထားပေးပါ .....