ခရမ်းချဉ်သီး ငါးခေါင်းဟင်း

ခရမ်းချဉ်သီး ငါးခေါင်းဟင်း .....

ငါးကြင်းလို ခေါင်းမျိုးပါ .... ဒီဘက်က ချက်နည်းလိုမျိုးကို မြန်မာဆန်ဆန်ပြန်ချက်ထားပါတယ် ..... သူတို့က အုန်းနို့နည်းနည်း ထည့်ချက်တတ်ပေမယ့် ကျွန်မက အုန်းနို့ကို ထည့်မချက်ထားပါဘူး ......

ငါးကို သေချာစင်အောင်ပွတ်တိုက်ဆေးပြီး ဆား ၊ ဆနွင်းမှုန့်တွေနဲ့ပါ အထပ်ထပ်ဆေးပေးထားပါ ..... ဂျင်းထောင်း ၊ ငံပြာရည်အကြည် ၊ ဆနွင်းမှုန့်အနည်းငယ်ထည့်ပြီး နယ်ပေးပါ .....

ကြက်သွန်ဖြူ/နီ ၊ ဂျင်းနဲ့ ငရုတ်နှစ်ကိုထောင်းပေးပါ .....
ခရမ်းချဉ်သီးအလုံးသေးလေးတွေကို နှစ်ခြမ်းခြမ်းထားပေးပါ ...... ငရုတ်သီးစိမ်း ၄ တောင့်လောက်ကို ညှပ်ထားပါ ...... မြေပဲဆံအနည်းငယ် ထောင်းထားပါ .....

ချက်မယ့်အိုးထဲ ထောင်းထားတဲ့ ငရုတ်သီးကြက်သွန်အနှစ်ကို ဆီချက်ပေးပါ ..... မြေပဲဆံကိုထည့်မွှေပါ ..... ငရုတ်သီးစိမ်းပါထည့်ပေးပါ ..... ပြီးမှ ငါးခေါင်းကိုထည့်ပြီး အပေါ်က ခရမ်းချဉ်သီးအုပ်ပေးပါ ...... ရေကို ငါးခေါင်းမြှုပ်အောင်ထည့်ပြီး အိုးဖုံးလေးဖုံးပါ ..... အရည်စည်းသွားတဲ့အထိ ချက်ထားပေးပါ ..... ပြီးမှ အချို အငန် မိမိကြိုက်သလိုမြည်းပြီး ထည့်ပေးပါ ..... ခရမ်းချဉ်သီး အနှစ်လေးနဲ့မို့လို့ အချဉ်ကို လိုအပ်မှ မကျည်းနှစ်ဖျော်ပြီး ထည့်ပေးပါ ..... အရသာအနေတော်ပြီဆိုရင်တော့ နံနံပင်ကို ရေဆေးထည့်ပေးပါ ....

ဟုတ်ကဲ့ ..... ခရမ်းချဉ်သီးအနှစ်နဲ့ မြန်မာ့အရသာဆန်ဆန် ငါးခေါင်းဟင်းကို ရပါပြီ .......

အားလုံးကိုကျေးဇူးပါ ..............................

အစားအသောက်ကို ဖွယ်ဖွယ်ရာရာ စေတနာထား ချက်ပြုတ်ခြင်းဟာ အနုပညာတစ်မျိုးပါ ........